Որ Վահեի նպատակները կիսատ չմնան․ Նկարիչների միությունում բարեգործական ցուցահանդես է բացվել
«Բացի այն, որ յուրաքանչյուրս մեր գործը պիտի լավ անենք, նաեւ պիտի փորձենք մեր եղբայրների կիսատ թողած գործերը շարունակել, որովհետեւ դա է միակ տարբերակը նոր հաղթանակներ ունենալու»,- ասում է Արցախյան երկրորդ պատերազմում զոհված Վահե Մելիքսեթյանի եղբայրը՝ Սարգիս Մելիքսեթյանը, որը բարեգործական ցուցահանդես-վաճառք է նախաձեռնել՝ եղբոր մասնագիտական ոլորտում ֆինանսական միջոցներ ներգրավելու համար։ Վահեն կլինիկական դեղագետ է եղել, գիտնական, ԵՊԲՀ կլինիկական ֆարմակոլոգիայի ամբիոնի դասախոս, սակայն պատերազմում բազմաթիվ կյանքեր փրկելու ճանապարհին զոհել է սեփական կյանքը։ Այժմ Սարգիսը փորձում է շարունակել եղբոր կիսատ թողած գործը՝ ստեղծելով «Վահե Մելիքսեթյան» կրթաբժշկական հիմնադրամը։
Հայաստանի նկարիչների միությունում բացված ցուցահանդես-վաճառքը մեկն է այն ծրագրերից, որ իրականացնում է հիմնադրամը՝ ֆինանսական միջոցներ ներգրավելու եւ հիմնադրամի առջեւ դրված նպատակներն իրագործելու ուղղությամբ։ Ներկայացված մոտ հինգ տասնյակ աշխատանքները տրամադրել են հայ նկարիչներն ու քանդակագործները՝ իրենց ներդրումն ունենալով կազմակերպված բարի գործում։
Ավելին՝ Bravo.am
Վաճառքի ենթակա նկարների և քանդակների ցանկին կարող եք ծանոթանալ Այստեղ
